skúli.annáll.is

AnnállGreinarPrédikanirSiglinganámskeiðSýnódurSöfnuður

« Haldið með · Heim · Kölluð til ábyrgðar »

HM-messa

Skúli @ 13.38 10/7/06

Fyrir tveimur mánuðum sendum við sumardagskrána í kirkjunni inn á hvert heimili hér í bænum.

Það rann svo upp fyrir mér síðar að ég hafði auglýst messu á sama tíma og úrslitaleikurinn var í gærkvöldi.

Þótt ég hefði eðli málsins samkvæmt getað sagt mér að messugestir væru ekki í hópi harðra knattspyrnuáhugamanna talaði ég samt um boltann.

Hann var mér bara eitthvað svo hugleikinn.

url: http://skuli.annall.is/2006-07-10/13.38.46/

Athugasemdir

Fjöldi 4, nýjasta neðst

Carlos @ 10/7/2006 15.07

Hugaður maður, Skúli, að messa svona í samkeppni við heimsviðburðina! Var messusókn ekki í samhljóman við þetta, eða telst þér til að fótboltaáhugamenn sæki ekki mikið í kirkju?

Móðir mín sækir hvítasunnukirkju í Þýskalandi, þar var leikjunum varpað á stórt tjald í kirkjusalnum og fótboltamaður frá VFB Stuttgart fenginn til að prédika á undan útsendingum, við góðan orðstí þeirra sem komu …

Skúli @ 10/7/2006 16.00

Furðumargir mættu en eins og ég segi – líklega fæstir með brennandi áhuga á fótbolta!

Árni Svanur @ 10/7/2006 17.39

Fín prédikun og sniðugt hjá þér að bjóða upp á dagskrá á þessum tíma. Hvernig voru viðbrögðin við prédikuninni?

Skúli @ 10/7/2006 17.48

Takk! Þau voru bara ágæt. Fólk almennt jákvætt… en klerkurinn skundaði í flýti heim til að horfa á lokin á leiknum á Sýn+. Ekki gafst því tóm til ærlegra samræðna.

þess var svo auðvitað vandlega gætt að enginn léti vita um úrslitin svo ég sá þetta næstum í beinni. :)

Lokað er fyrir athugasemdir.

© skúli.annáll.is · Færslur · Ummæli