skúli.annáll.is

AnnállGreinarPrédikanirSiglinganámskeiðSýnódurSöfnuður

« David og Frímann · Heim · Fótbolti og hlaup »

Óshíðin 2006

Skúli @ 16.07 29/6/06

Líklega hef skrokkurinn ekki verið í verra ástandi í þrjú ár eða þar til ég tók að hlaupa að staðaldri.

Eftir því sem árunum fjölgar verður gjaldið hærra fyrir hreyfingarleysi og óhollustu en þannig hef ég einmitt lifað undanfarið. Það er ótrúlegt til þess að hugsa hversu skjótt manni hrakar um leið og slegið er slöku við í þessum efnum.

Á laugardaginn er hið árlega Óshlíðarhlaup. Undanfarna daga hef ég skokkað ca. 7 km. og fundið verulega fyrir því. Á mínu léttasta skeiði var þetta nánast upphitunin fyrir ærlega æfingu.

Í þrígang hef ég hlaupið þessa vegarlengd:

Árið 2003 var ég 32. í röðinni á tímanum 2:04:33
Árið 2004 var ég 10. í röðinni á tímanum 1:44:03
Árið 2005 var ég 9. í röðinni á tímanum 1:44:30. Hérna er mynd sem tekin var fljótlega í byrjun hlaupsins..

Nú vænti ég þess að ég færist nær því sem var fyrsta árið – ef ég þá kemst á leiðarenda.

url: http://skuli.annall.is/2006-06-29/16.07.55/

© skúli.annáll.is · Færslur · Ummæli